ഏതു ജലത്തില്‍ കുളിച്ചാലും
നിന്റെയുടലില്‍ പാഞ്ഞുച്ചെല്ലുന്നതെന്റെ കുതിപ്പ്
മേല്‍ച്ചുണ്ടിലെ മൃദുരോമത്തില്
പറ്റിപ്പിടിച്ചു നില്‍ക്കുന്നതെന്റെ തണുപ്പ്
മുലക്കണ്ണില്‍ എന്തോ ഓര്‍ത്ത് ഖേദപ്പെട്ട്
പിന്നെ തിരിച്ചുപോയ തുള്ളി
എന്റെ കുഞ്ഞ്
ഉടല്‍മടക്കില്‍ ഒളിച്ചിരിക്കുന്നതെന്റെ
ഗൂഢമന്ദഹാസം
നീ ശ്വസിച്ചപ്പോള്‍ അബദ്ധത്തില്‍
പൊക്കിള്‍ക്കൊടിയില്‍ നിന്നൊലിച്ചുപോയ തുള്ളി
എന്റെ കാല്‍‌വിരലീമ്പും കുട്ടിക്കാലം
നീ തേച്ച സോപ്പിനെപ്പോലും സഹിക്കാതെ
ദൂരേയ്ക്കു പായിക്കും എന്റെ സ്നേഹഗാഢമാം ജലരൂപങ്ങള്‍
നിന്നില്‍ നിന്നും പോവാതെ-
ഒട്ടിപ്പിടിച്ച ജലകണങ്ങള്‍
എന്റെ വേര്‍പിരിയും വേദന.
എത്രതോര്‍ത്തിയിട്ടും മുടിയില്‍ നിന്നും
വീണ്ടുമിറ്റുന്നത് കണ്ണീര്‍ക്കണങ്ങള്‍
പുറത്താക്കപ്പെട്ട എന്റെ അവസാനത്തെ
സ്നാനപ്രവേശങ്ങള്‍
എത്രയൊപ്പിയെടുത്താലും
പിന്നെയും ബാക്കിനില്‍ക്കുന്ന
എണ്ണത്തൊലിയിലെ നനവുകള്‍
കാലാതിയായ കവിതകള്‍
skip to main |
skip to sidebar
എന്നെക്കുറിച്ച്
- ശിഹാബുദ്ദീന് പൊയ്ത്തുംകടവ്
- കണ്ണൂര്, കേരളം, India
- പുസ്തകങ്ങള് ആര്ക്കും വേണ്ടാത്ത ഒരു കണ്ണ്, മഞ്ഞുകാലം, തല, കത്തുന്ന തലയിണ, തിരഞ്ഞെടുത്ത കഥകള്, മലബാര് എക്സ്പ്രസ്സ് (കഥാസമാഹാരങ്ങള്) ഈര്ച്ച, നല്ല അയല്ക്കാരന്, ആലിവൈദ്യര് (ലഘുനോവലുകള്) കഥാപാത്രം വീട്ടുമുറ്റത്ത് (ലേഖനസമാഹാരം) കടല്മരുഭൂമിയിലെ വീട് (കവിതകള്‍) കോഴിക്കോട് യൂണിവേഴ്സിറ്റി, മഹാത്മാഗാന്ധി യൂണിവേഴ്സിറ്റി, കണ്ണൂര് യൂണിവേഴ്സിറ്റി എന്നിവയില് കഥകള് പാഠ്യവിഷയം.
10 comments:
നല്ല കവിത
എതയൊപ്പിയെടുത്താലും
പിന്നെയും ബാക്കിനില്‍ക്കുന്ന
എണ്ണത്തൊലിയിലെ നനവുകള്‍
:)
ബ്ലോഗായതുകൊണ്ടാണോ ലോലമായി എഴുതുന്നത്.ബ്ലോഗിലും താങ്കളുടെ തനിസ്വരൂപത്തിലുള്ള മികച്ച,കാച്ചിക്കുറുക്കിയ എഴുത്ത് പ്രതീക്ഷിക്കുന്നു.ഞങ്ങളെപ്പോലുള്ളവര്‍ക്ക് അതൊരനുഗ്രഹമാവും.ഈ കവിതയില്‍ എവിടെയോ ഒരു വഴുവഴുപ്പ് അതൊഴിവാക്കാന്‍ ശ്രമിക്കാത്തതുകൊണ്ടാണെന്നു തോന്നുന്നു അതിമനോഹരമാകുമായിരുന്ന കവിത നല്ല കവിത മാത്രമായിപ്പോയത്
ഉദാ:
1.പിന്നെ തിരിച്ചുപോയ തുള്ളി
എന്റെ കുഞ്ഞ്
2.എതയൊപ്പിയെടുത്താലും
പിന്നെയും ബാക്കിനില്‍ക്കുന്ന
എണ്ണത്തൊലിയിലെ നനവുകള്‍
കാലാതിയായ കവിതകള്‍
സനാതനന്‍ പറഞ്ഞതിനോട് യോജിക്കുന്നു
കുറച്ചൂടി മുറുകട്ടേ ശിഹാബിക്കാ..
ശിഹാബിക്കാ...നമുക്കിടയിലെത്തിയപ്പോള്‍ എന്തോ കാളിദാസനെ ഓര്‍ത്തുപോയി കുമാരസംഭവക്കാരനെത്തന്നെ..പാര്‍വതിയുടെ മാറിലും ഇതുപോലൊരു തുള്ളി....രണ്ടും രണ്ടാണ്‌ കേട്ടോ..
ബൂലോക സുഹൃത്തേ, ബ്ലോഗ്‌മലയാളത്തില്‍ ഈയുള്ളവനും ഒരു വീടുണ്ടാക്കി താമസിച്ച വിവരം സന്തോഷപൂര്‍വം അറിയിക്കട്ടെ. താങ്കളും കുടുംബവും സുഹൃത്തുക്കളോടൊപ്പം കൊസ്രാക്കൊള്ളി എന്ന എന്റെ ബ്ലോഗ്‌ വസതിയിലേക്ക്‌ വരണമെന്നും അനുഗ്രഹിക്കണമെന്നും..... വിനയ പുരസ്സരം ......
www.kosrakkolli.blogspot.com
എതയൊപ്പിയെടുത്താലും
പിന്നെയും ബാക്കിനില്‍ക്കുന്ന
എണ്ണത്തൊലിയിലെ നനവുകള്‍
കാലാതിയായ കവിതകള്‍
സുന്ദരം മാഷേ...
:)
എന്നും സ്നേഹത്തോടേ
ഉപാസന
Ningalude blog innanu kandathu
nannai.. Ashamsakal
Please visit www.malayalagramam.blogspot.com
vaayichu....
nannayittundu....
എത്രതോര്‍ത്തിയിട്ടും മുടിയില്‍ നിന്നും
വീണ്ടുമിറ്റുന്നത് കണ്ണീര്‍ക്കണങ്ങള്‍...
:)
നല്ല കവിത
എത്രയൊപ്പിയെടുത്താലും
പിന്നെയും ബാക്കിനില്‍ക്കുന്ന
എണ്ണത്തൊലിയിലെ നനവുകള്‍
നന്നായിരിക്കുന്നു മാഷെ...
ഈ വരികള്‍ക്ക് ഒരുപാടൊരുപാട് അര്‍ഥങ്ങള്‍ ഉണ്ട് അല്ലെ മാഷെ..?
Post a Comment